နိုင်ငံတကာ တံဆိပ်ခေါင်းများပေါ်က မြန်မာ (၂) : ရွှေတိဂုံ စေတီတော်

နိုင္ငံတကာ တံဆိပ္ေခါင္းမ်ားေပၚက ျမန္မာ (၂) : ေရႊတိဂံု ေစတီေတာ္ <Zawgyi Version>

ေရႊတိဂံုေစတီေတာ္ျမတ္ၾကီး သည္ ျမန္မာလူမ်ိဳးတို႔၏ အထြတ္အျမတ္ထားရာ ေစတီေတာ္ၾကီး ျဖစ္သည့္အျပင္ ျမန္မာနိုင္ငံ၏ အထင္ရွားဆံုး ေစတီေတာ္ၾကီးလည္း ျဖစ္ပါသည္။  ျမန္မာလူမ်ိဳးတို႔ကသာမက ကမာၻကပါ အျမတ္တနိုး တန္ဘိုးထား ထိန္းသိမ္း ေစာင့္ေရွာက္ၾကသည္။  လာေရာက္လည္ပတ္ကာ ၾကည့္ရႉ ေလ့လာၾကသည္။  ျမန္မာနိုင္ငံမွ ၁၉၅၆ ခုႏွစ္တြင္ ပထမဆံုးအၾကိမ္အျဖစ္ ေရႊတိဂံုေစတီေတာ္ၾကီး၏ ပံုေတာ္ကို တံဆိပ္ေခါင္းတြင္ ရိုက္ႏွိပ္ထုတ္ေ၀ခဲ႔သည္။  ၁၉၅၆ မွ ယခုအခ်ိန္ (၂၀၁၅ ဇန္န၀ါရီ) အထိ ေရႊတိဂံုေစတီ အေၾကာင္းအရာ ပါရွိေသာ ျမန္မာနိုင္ငံမွ ထုတ္ေ၀သည့္ တံဆိပ္ေခါင္း ၅ မ်ိဳးရွိပါသည္။  ထိုတံဆိပ္ေခါင္းမ်ား၏ အေၾကာင္းအရာမ်ားကို ဇယားျဖင့္ေဖၚျပလိုပါသည္။

စဥ္	ေန႔စြဲ	တန္ဘိုး	မွတ္ခ်က္
၁	၂၄ ေမ ၁၉၅၆	၆၀ ျပား	ဗုဒၶသာသနာ ႏွစ္ ၂၅၀၀ ျပည့္ အထိမ္းအမွတ္ထုတ္ေ၀ျခင္း၊ ၄လံုးအစံုမွ။  ေရႊတိဂံုေစတီေတာ္ကို ေကာင္းကင္ယံမွ ျမင္ရပံု။
၂	၂၃ နို၀င္ဘာ ၁၉၇၀	၂၅ ျပား	အမ်ိဳးသားေန႔ ေရႊရတုသဘင္ အထိမ္းအမွတ္ ထုတ္ေ၀ျခင္း။ အဂၤလိပ္အစိုးရ၏ ၁၉၂၀ တကၠသိုလ္မ်ား အက္ဥပေဒ ကို သပိတ္ေမွာက္ၾကေသာ ေက်ာင္းသားမ်ား ေဒါင္းအလံမ်ားကိုင္ေဆာင္၍ ေရႊတိဂံုသပိတ္စခန္းသို႔ ခ်ီတက္လာပံု။
၃	၂၇ ေမ ၁၉၉၀	၁ က်ပ္	နိုင္ငံေတာ္ျငိမ္၀ပ္ပိျပားမႉတည္ေဆာက္ေရးအဖဲြ႔ အထိမ္းအမွတ္ ထုတ္ေ၀ျခင္း။ ရန္ကုန္တိုင္း လႊတ္ေတာ္အေဆာက္အဦး ေနရာ (ရန္ကုန္ - ျပည္လမ္း) မွ ျမင္ရပံု။
၄	၂၇ မတ္ ၁၉၉၅	၅၀ ျပား	တပ္မေတာ္ေန႔ ေရႊရတု အထိမ္းအမွတ္ ထုတ္ေ၀ျခင္း။  ေရႊတိဂံုေစတီေတာ္ကို အေ၀းမွျမင္ရပံု။
၅	၄ ဇန္န၀ါရီ ၂၀၁၅	၂၀၀ က်ပ္	၆၇ ႏွစ္ေျမာက္ လြတ္လပ္ေရးေန႔ အထိမ္းအမွတ္ ထုတ္ေ၀ျခင္း၊ ၃လံုးအစံုမွ။  ေရႊတိဂံုေစတီေတာ္ကို ေကာင္းကင္ယံမွ ျမင္ရပံု။

ျမန္မာနိုင္ငံမွသာမက အျခား ၄ နိုင္ငံမွလည္း ေရႊတိဂံုပံုေတာ္ႏွင့္ ဆက္စပ္ အေၾကာင္းအရာပါ တံဆိပ္ေခါင္းမ်ား ထုတ္ေ၀ခဲ႔ဘူးပါသည္။  ၁၉၉၄ ခုႏွစ္ ဇူလိုင္လ ၁၁ ရက္ေန႔တြင္ Maldives ကြ်န္းစုနိုင္ငံမွ “အိမ္ေမြးေၾကာင္မ်ား” ဟု အမည္ေပးထားသည့္ တံဆိပ္ေခါင္းအစံု ထုတ္ေ၀ခဲ႔သည္။ ထင္ရွားသည့္ ျမန္မာ့ေၾကာင္ (Burmese Cat) ပံုႏွင့္ ေရႊတိဂံုေစတီေတာ္ၾကီးပံုေတာ္ ကို Souvenir Sheet အျဖစ္ထုတ္ေ၀ထားသည္။  25r (Rufiyaa) တန္ဘိုး ရိုက္ႏွိပ္ထားသည္။   အလားတူ ျမန္မာ့ေၾကာင္ႏွင့္ ေရႊတိဂံု ေစတီေတာ္ အေၾကာင္းအရာ ေပါင္းစပ္ထားေသာ တံဆိပ္ေခါင္း တစ္မ်ိဳးရွိပါေသးသည္။  Uganda နိုင္ငံမွ ၁၉၉၄ခုႏွစ္ ဇူလိုင္လ ၂၂ ရက္ေန႔တြင္ ထုတ္ေ၀သည့္ “ေၾကာင္မ်ိဳးမ်ားႏွင့္ နိုင္ငံတကာမွ သမိုင္း၀င္ ထင္ရွားေသာ အေဆာက္အဦးမ်ား” အမည္ရွိ တံဆိပ္ေခါင္း အစံုတြင္ ပါ၀င္ေသာ တံဆိပ္ေခါင္း တစ္လံုးတြင္ ျမန္မာ့ေၾကာင္ကို ေဖၚျပထားသည္။  ေရႊတိဂံု ေစတီေတာ္ၾကီး ရုပ္ပံုမပါရွိေသာ္လည္း ေစတီေတာ္ၾကီး ေစာင္းတန္းမုခ္ဦးရွိ ျခေသၤ့ၾကီးပံုႏွင့္  “Shwe Dagon Pagoda, Burma” ဟုေရးသား ေဖၚျပထားသည္။  တန္ဘိုးမွာ 1000sh (Shilling) ျဖစ္သည္။  ေတာင္အေမရိကတိုက္ရွိ Suriname နိုင္ငံမွ ၁၉၉၈ ခု ဇြန္လ ၄ ရက္ေန႔တြင္ ဘုရားေက်ာင္းမ်ား အမည္ရ တံဆိပ္ေခါင္းအစံု ကိုထုတ္ေ၀ခဲ႔သည္။  ေရႊတိဂံုေစတီေတာ္ၾကီးပံုေတာ္ ကို 75f (Florin) တန္ဘိုးရွိ တံဆိပ္ေခါင္းတြင္ေတြ႔ျမင္ရသည္။  ထိုတံဆိပ္ေခါင္း အစံုထဲတြင္ အျခား ထင္ရွားေသာ ဘာသာေရးဆိုင္ရာ၊ ဘုရားေက်ာင္းမ်ားျဖစ္သည့္ အင္ဒိုနီးရွားနိုင္ငံမွ ေဗာေရာဗုဒုဘုရားေက်ာင္း၊ တရုတ္နိုင္ငံ ပီကင္းၿမိဳ႕မွ ေကာင္းကင္ဘံု ဘုရားေက်ာင္း၊ ထိုင္းနိုင္ငံမွ ျမဘုရားေက်ာင္းေတာ္၊ နိေပါနိုင္ငံမွ ေမ်ာက္ဘုရားေက်ာင္း၊ သီရိလကၤာနိုင္ငံမွ စြယ္ေတာ္ဘုရားေက်ာင္း တို႔ကို ရိုက္ႏွိပ္ထုတ္ေ၀ထားသည္။

(ASEAN-Japan Exchange Year) အျဖစ္သတ္မွတ္ခဲ႔သည္။ အာဆီယံနိုင္ငံမ်ား ႏွင့္ ဂ်ပန္နိုင္ငံတို႔ ခ်စ္ၾကည္ေရးခိုင္ျမဲေစရန္၊ အခ်င္းခ်င္း ယံုၾကည္မႉတိုးတက္ေစရန္၊ ပူးေပါင္းေဆာင္ရြက္မႉမ်ားႏွင့္ အနုပညာ၊ ပညာေရး စသည္လုပ္ငန္းရပ္မ်ား ဖလွယ္နိုင္ရန္ ဂ်ပန္ႏွင့္ အာဆီယံေခါင္းေဆာင္မ်ား သတ္မွတ္ခဲ႔ၾကျခင္းျဖစ္သည္။  ထုိသတ္မွတ္မႉကို ဂုဏ္ျပဳ၍ ဂ်ပန္နိုင္ငံမွ ၂၀၀၃ ခုႏွစ္ ဇြန္လ ၁၆ ရက္ေန႔တြင္ တံဆိပ္ေခါင္း ၁၀ လံုးကိုထုတ္ေ၀ခဲ႔သည္။  အာဆီယံနိုင္ငံ တစ္ခုခ်င္းစီ၏ ထင္ရွားေသာ ေနရာမ်ား၊ အေဆာက္အဦးမ်ားကိုေဖၚျပထားရာ ေရႊတိဂံု ေစတီေတာ္ၾကီး၏ပံုလည္း ပါ၀င္ခဲ႔သည္။  တန္ဘိုးမွာ 80y (Yen) ျဖစ္သည္။

ထုတ္ေ၀ေရာင္းခ်သည့္ အဆင့္မေရာက္ခဲ႔ေသာ္လည္း ဒီဇိုင္းအဆင့္ေရာက္ခဲ႔သည့္ တံဆိပ္ေခါင္းဒီဇိုင္း အခ်ိဳ႕ကိုလည္းေဖၚျပလိုပါသည္။  ၁၉၃၆ ခုႏွစ္ ရန္ကုန္ေဂဇက္ တံဆိပ္ေခါင္းဒီဇိုင္းျပိဳင္ပဲြ အေကာင္းဆံုး တံဆိပ္ေခါင္းအစံုဆုရ အစံုမွ ေရႊတိဂံုေစတီေတာ္ ပံုပါ တံဆိပ္ေခါင္းဒီဇိုင္း [1] (1A3p တန္ဘိုးပါ အျဖဴအမဲဒီဇိုင္း) ႏွင့္ ဂ်ပန္နိုင္ငံ တိုက်ိဳျမိဳ႕ ေတာ့ပန္ ပံုႏွိပ္လုပ္ငန္းကုမၸဏီမွ ေရႊတိဂံုပံုေတာ္ပါ အက္ေဆးဒီဇိုင္းမ်ား [2] မွ 3As တန္ဘိုးပါ အနီေရာင္ႏွင့္ အျပာရင့္ေရာင္ ဒီဇိုင္းမ်ား(၁၉၄၂) ကို ေဖၚျပထားပါသည္။  ထိုဒီဇိုင္းအက္ေဆးမ်ား အေၾကာင္းကို ကိုးကားထားေသာ ေဆာင္းပါးမ်ား [1][2] ႏွင့္ ဆရာဦးေက်ာ္ျမင့္ေမာင္၏ တံဆိပ္ေခါင္းမ်ားေပၚက ဗုဒၶသာသနာစာအုပ္ [3] တြင္ ေလ့လာနိုင္ပါသည္။

ျမန္မာနုိင္ငံမွ ထုတ္ေ၀ေသာ ေရႊတိဂံုပံုေတာ္ပါ တံဆိပ္ေခါင္း ၅ မ်ိဳးရွိသည္ဆိုေသာ္ျငားလည္း အေရအတြက္အားျဖင့္ နည္းပါးေသးသည္ဟု ျမင္မိပါသည္။  တံဆိပ္ေခါင္းစုေဆာင္းသူတစ္ဦး အေနျဖင့္ေသာ္လည္းေကာင္း၊ ျမန္မာလူမ်ိဳး တစ္ေယာက္အေနျဖင့္ေသာ္လည္းေကာင္း ေရႊတိဂံုေစတီေတာ္ၾကီး ပတ္၀န္းက်င္ရူခင္းမ်ား၊ ေရႊတိဂံုေစတီေတာ္ၾကီးရင္ျပင္ေတာ္ရွိ ျမန္မာ့ယဥ္ေက်းမႉအႏုလက္ရာမ်ား၊ ေခါင္းေလာင္းၾကီးမ်ား၊ ေရွးလက္ရာ ဇာတ္ေတာ္ပန္းခ်ီကားမ်ားႏွင့္ ဗုဒၶ၀င္ပန္းခ်ီကားမ်ား ေခတ္အဆက္ဆက္ ေရႊတိဂံုေစတီေတာ္ၾကီး၏ ဓါတ္ပံုမ်ား စသည္တို႔ကို တံဆိပ္ေခါင္းမ်ားအျဖစ္ ထုတ္ေ၀ေစလိုပါသည္။ 

ကိုးကား
[1] Russell Viner, Richard Warren, "George Albert Hawley and the 1936 Rangoon Gazette Competition", The Burma Fantail, Vol. 2, No. 2, Whole Number 4, April 2005, pp. 18-21.
[2] Dr Kyaw Win, David Sher, Richard Warren, "The Toppan Essays", The Burma Fantail, Vol. 11, No. 4, Whole Number 42, October 2014, pp. 59-61.
[3] ေက်ာ္ျမင့္ေမာင္၊ “တံဆိပ္ေခါင္းမ်ားေပၚက ဗုဒၶသာသနာ”၊ ထိပ္တန္းစာေပ၊ ရန္ကုန္ၿမိဳ႕၊ ဒီဇင္ဘာ ၂၀၁၄။

------------------------------------------------------------------------------------------------------------------------------------------------

နိုင်ငံတကာ တံဆိပ်ခေါင်းများပေါ်က မြန်မာ (၂) : ရွှေတိဂုံ စေတီတော် <Unicode Version>

ရွှေတိဂုံစေတီတော်မြတ်ကြီး သည် မြန်မာလူမျိုးတို့၏ အထွတ်အမြတ်ထားရာ စေတီတော်ကြီး ဖြစ်သည့်အပြင် မြန်မာနိုင်ငံ၏ အထင်ရှားဆုံး စေတီတော်ကြီးလည်း ဖြစ်ပါသည်။  မြန်မာလူမျိုးတို့ကသာမက ကမ္ဘာကပါ အမြတ်တနိုး တန်ဘိုးထား ထိန်းသိမ်း စောင့်ရှောက်ကြသည်။  လာရောက်လည်ပတ်ကာ ကြည့်ရှူ လေ့လာကြသည်။  မြန်မာနိုင်ငံမှ ၁၉၅၆ ခုနှစ်တွင် ပထမဆုံးအကြိမ်အဖြစ် ရွှေတိဂုံစေတီတော်ကြီး၏ ပုံတော်ကို တံဆိပ်ခေါင်းတွင် ရိုက်နှိပ်ထုတ်ဝေခဲ့သည်။  ၁၉၅၆ မှ ယခုအချိန် (၂၀၁၅ ဇန်နဝါရီ) အထိ ရွှေတိဂုံစေတီ အကြောင်းအရာ ပါရှိသော မြန်မာနိုင်ငံမှ ထုတ်ဝေသည့် တံဆိပ်ခေါင်း ၅ မျိုးရှိပါသည်။  ထိုတံဆိပ်ခေါင်းများ၏ အကြောင်းအရာများကို ဇယားဖြင့်ဖေါ်ပြလိုပါသည်။

စဉ်	နေ့စွဲ	တန်ဘိုး	မှတ်ချက်
၁	၂၄ မေ ၁၉၅၆	၆၀ ပြား	ဗုဒ္ဓသာသနာ နှစ် ၂၅၀၀ ပြည့် အထိမ်းအမှတ်ထုတ်ဝေခြင်း၊ ၄လုံးအစုံမှ။  ရွှေတိဂုံစေတီတော်ကို ကောင်းကင်ယံမှ မြင်ရပုံ။
၂	၂၃ နိုဝင်ဘာ ၁၉၇၀	၂၅ ပြား	အမျိုးသားနေ့ ရွှေရတုသဘင် အထိမ်းအမှတ် ထုတ်ဝေခြင်း။ အင်္ဂလိပ်အစိုးရ၏ ၁၉၂၀ တက္ကသိုလ်များ အက်ဥပဒေ ကို သပိတ်မှောက်ကြသော ကျောင်းသားများ ဒေါင်းအလံများကိုင်ဆောင်၍ ရွှေတိဂုံသပိတ်စခန်းသို့ ချီတက်လာပုံ။
၃	၂၇ မေ ၁၉၉၀	၁ ကျပ်	နိုင်ငံတော်ငြိမ်ဝပ်ပိပြားမှူတည်ဆောက်ရေးအဖွဲ့ အထိမ်းအမှတ် ထုတ်ဝေခြင်း။ ရန်ကုန်တိုင်း လွှတ်တော်အဆောက်အဦး နေရာ (ရန်ကုန် - ပြည်လမ်း) မှ မြင်ရပုံ။
၄	၂၇ မတ် ၁၉၉၅	၅၀ ပြား	တပ်မတော်နေ့ ရွှေရတု အထိမ်းအမှတ် ထုတ်ဝေခြင်း။  ရွှေတိဂုံစေတီတော်ကို အဝေးမှမြင်ရပုံ။
၅	၄ ဇန်နဝါရီ ၂၀၁၅	၂၀၀ ကျပ်	၆၇ နှစ်မြောက် လွတ်လပ်ရေးနေ့ အထိမ်းအမှတ် ထုတ်ဝေခြင်း၊ ၃လုံးအစုံမှ။  ရွှေတိဂုံစေတီတော်ကို ကောင်းကင်ယံမှ မြင်ရပုံ။

 

မြန်မာနိုင်ငံမှသာမက အခြား ၄ နိုင်ငံမှလည်း ရွှေတိဂုံပုံတော်နှင့် ဆက်စပ် အကြောင်းအရာပါ တံဆိပ်ခေါင်းများ ထုတ်ဝေခဲ့ဘူးပါသည်။  ၁၉၉၄ ခုနှစ် ဇူလိုင်လ ၁၁ ရက်နေ့တွင် Maldives ကျွန်းစုနိုင်ငံမှ “အိမ်မွေးကြောင်များ” ဟု အမည်ပေးထားသည့် တံဆိပ်ခေါင်းအစုံ ထုတ်ဝေခဲ့သည်။ ထင်ရှားသည့် မြန်မာ့ကြောင် (Burmese Cat) ပုံနှင့် ရွှေတိဂုံစေတီတော်ကြီးပုံတော် ကို Souvenir Sheet အဖြစ်ထုတ်ဝေထားသည်။  25r (Rufiyaa) တန်ဘိုး ရိုက်နှိပ်ထားသည်။   အလားတူ မြန်မာ့ကြောင်နှင့် ရွှေတိဂုံ စေတီတော် အကြောင်းအရာ ပေါင်းစပ်ထားသော တံဆိပ်ခေါင်း တစ်မျိုးရှိပါသေးသည်။  Uganda နိုင်ငံမှ ၁၉၉၄ခုနှစ် ဇူလိုင်လ ၂၂ ရက်နေ့တွင် ထုတ်ဝေသည့် “ကြောင်မျိုးများနှင့် နိုင်ငံတကာမှ သမိုင်းဝင် ထင်ရှားသော အဆောက်အဦးများ” အမည်ရှိ တံဆိပ်ခေါင်း အစုံတွင် ပါ၀င်သော တံဆိပ်ခေါင်း တစ်လုံးတွင် မြန်မာ့ကြောင်ကို ဖေါ်ပြထားသည်။  ရွှေတိဂုံ စေတီတော်ကြီး ရုပ်ပုံမပါရှိသော်လည်း စေတီတော်ကြီး စောင်းတန်းမုခ်ဦးရှိ ခြင်္သေ့ကြီးပုံနှင့်  “Shwe Dagon Pagoda, Burma” ဟုရေးသား ဖေါ်ပြထားသည်။  တန်ဘိုးမှာ 1000sh (Shilling) ဖြစ်သည်။  တောင်အမေရိကတိုက်ရှိ Suriname နိုင်ငံမှ ၁၉၉၈ ခု ဇွန်လ ၄ ရက်နေ့တွင် ဘုရားကျောင်းများ အမည်ရ တံဆိပ်ခေါင်းအစုံ ကိုထုတ်ဝေခဲ့သည်။  ရွှေတိဂုံစေတီတော်ကြီးပုံတော် ကို 75f (Florin) တန်ဘိုးရှိ တံဆိပ်ခေါင်းတွင်တွေ့မြင်ရသည်။  ထိုတံဆိပ်ခေါင်း အစုံထဲတွင် အခြား ထင်ရှားသော ဘာသာရေးဆိုင်ရာ၊ ဘုရားကျောင်းများဖြစ်သည့် အင်ဒိုနီးရှားနိုင်ငံမှ ဗောရောဗုဒုဘုရားကျောင်း၊ တရုတ်နိုင်ငံ ပီကင်းမြို့မှ ကောင်းကင်ဘုံ ဘုရားကျောင်း၊ ထိုင်းနိုင်ငံမှ မြဘုရားကျောင်းတော်၊ နိပေါနိုင်ငံမှ မျောက်ဘုရားကျောင်း၊ သီရိလင်္ကာနိုင်ငံမှ စွယ်တော်ဘုရားကျောင်း တို့ကို ရိုက်နှိပ်ထုတ်ဝေထားသည်။

(ASEAN-Japan Exchange Year) အဖြစ်သတ်မှတ်ခဲ့သည်။ အာဆီယံနိုင်ငံများ နှင့် ဂျပန်နိုင်ငံတို့ ချစ်ကြည်ရေးခိုင်မြဲစေရန်၊ အချင်းချင်း ယုံကြည်မှူတိုးတက်စေရန်၊ ပူးပေါင်းဆောင်ရွက်မှူများနှင့် အနုပညာ၊ ပညာရေး စသည်လုပ်ငန်းရပ်များ ဖလှယ်နိုင်ရန် ဂျပန်နှင့် အာဆီယံခေါင်းဆောင်များ သတ်မှတ်ခဲ့ကြခြင်းဖြစ်သည်။  ထိုသတ်မှတ်မှူကို ဂုဏ်ပြု၍ ဂျပန်နိုင်ငံမှ ၂၀၀၃ ခုနှစ် ဇွန်လ ၁၆ ရက်နေ့တွင် တံဆိပ်ခေါင်း ၁၀ လုံးကိုထုတ်ဝေခဲ့သည်။  အာဆီယံနိုင်ငံ တစ်ခုချင်းစီ၏ ထင်ရှားသော နေရာများ၊ အဆောက်အဦးများကိုဖေါ်ပြထားရာ ရွှေတိဂုံ စေတီတော်ကြီး၏ပုံလည်း ပါ၀င်ခဲ့သည်။  တန်ဘိုးမှာ 80y (Yen) ဖြစ်သည်။

ထုတ်ဝေရောင်းချသည့် အဆင့်မရောက်ခဲ့သော်လည်း ဒီဇိုင်းအဆင့်ရောက်ခဲ့သည့် တံဆိပ်ခေါင်းဒီဇိုင်း အချို့ကိုလည်းဖေါ်ပြလိုပါသည်။  ၁၉၃၆ ခုနှစ် ရန်ကုန်ဂေဇက် တံဆိပ်ခေါင်းဒီဇိုင်းပြိုင်ပွဲ အကောင်းဆုံး တံဆိပ်ခေါင်းအစုံဆုရ အစုံမှ ရွှေတိဂုံစေတီတော် ပုံပါ တံဆိပ်ခေါင်းဒီဇိုင်း [1] (1A3p တန်ဘိုးပါ အဖြူအမဲဒီဇိုင်း) နှင့် ဂျပန်နိုင်ငံ တိုကျိုမြို့ တော့ပန် ပုံနှိပ်လုပ်ငန်းကုမ္ပဏီမှ ရွှေတိဂုံပုံတော်ပါ အက်ဆေးဒီဇိုင်းများ [2] မှ 3As တန်ဘိုးပါ အနီရောင်နှင့် အပြာရင့်ရောင် ဒီဇိုင်းများ(၁၉၄၂) ကို ဖေါ်ပြထားပါသည်။  ထိုဒီဇိုင်းအက်ဆေးများ အကြောင်းကို ကိုးကားထားသော ဆောင်းပါးများ [1][2] နှင့် ဆရာဦးကျော်မြင့်မောင်၏ တံဆိပ်ခေါင်းများပေါ်က ဗုဒ္ဓသာသနာစာအုပ် [3] တွင် လေ့လာနိုင်ပါသည်။

မြန်မာနိုင်ငံမှ ထုတ်ဝေသော ရွှေတိဂုံပုံတော်ပါ တံဆိပ်ခေါင်း ၅ မျိုးရှိသည်ဆိုသော်ငြားလည်း အရေအတွက်အားဖြင့် နည်းပါးသေးသည်ဟု မြင်မိပါသည်။  တံဆိပ်ခေါင်းစုဆောင်းသူတစ်ဦး အနေဖြင့်သော်လည်းကောင်း၊ မြန်မာလူမျိုး တစ်ယောက်အနေဖြင့်သော်လည်းကောင်း ရွှေတိဂုံစေတီတော်ကြီး ပတ်ဝန်းကျင်ရူခင်းများ၊ ရွှေတိဂုံစေတီတော်ကြီးရင်ပြင်တော်ရှိ မြန်မာ့ယဉ်ကျေးမှူအနုလက်ရာများ၊ ခေါင်းလောင်းကြီးများ၊ ရှေးလက်ရာ ဇာတ်တော်ပန်းချီကားများနှင့် ဗုဒ္ဓဝင်ပန်းချီကားများ ခေတ်အဆက်ဆက် ရွှေတိဂုံစေတီတော်ကြီး၏ ဓါတ်ပုံများ စသည်တို့ကို တံဆိပ်ခေါင်းများအဖြစ် ထုတ်ဝေစေလိုပါသည်။


ကိုးကား
[1] Russell Viner, Richard Warren, "George Albert Hawley and the 1936 Rangoon Gazette Competition", The Burma Fantail, Vol. 2, No. 2, Whole Number 4, April 2005, pp. 18-21.
[2] Dr Kyaw Win, David Sher, Richard Warren, "The Toppan Essays", The Burma Fantail, Vol. 11, No. 4, Whole Number 42, October 2014, pp. 59-61.
[3] ကျော်မြင့်မောင်၊ “တံဆိပ်ခေါင်းများပေါ်က ဗုဒ္ဓသာသနာ”၊ ထိပ်တန်းစာပေ၊ ရန်ကုန်မြို့၊ ဒီဇင်ဘာ ၂၀၁၄။

An Official facebook fan page of Myanmar Post

Myanmar Post created an official Facebook fan page started from 8 July 2016.  The link for the page is at https://facebook.com/MyanmarPostService

First Anniversary of Union Solidarity and Development Association

USDA, now transformed into USDP as political party, was established in 1993.  The Union Solidarity and Development Association was formed and registered as a social organization with the Ministry of Home Affairs from 13 Sept 1993.  It celebrated first anniversary in 1994. Myanmar Post issued single stamp for commemoration.  Myanmar post issued an official FDC and Stamp Holder Card.

Technical Details of Stamps

Date of Issue : 15 Sept 1994 

Design : USDA Logo

Printer : Security Printing Works (Myanmar)

Stamp Size and Format : 42 mm x 30 mm (Vertical)

Color : 4

Perforation : 14

Denomination : K 3

Sheet Composition :  50 Stamps per Sheet

Printing Process : Offset

Quantity : 500,000 pcs

FDC by Myanmar Posts & Telecommunications

Updating the list of "Aung San Suu Kyi on Stamps"

Sierra Leone issued new set of stamps featuring Nobel prize winners.  For our attention, the miniature sheet featured "Aung San Suu Kyi", and the denominated 24000 Le.  

There are two version of miniature sheet; imperforated and perforated versions.  To complete the list, I added the update session in the previous blog post <http://kotoephilately.blogspot.sg/2015/08/a-myanmar-theme-aung-san-suu-kyi.html>. 

ဗိမာန်နန်းမြင့် ပျော်စံတင့် လင့်ခါနှစ်လည် မေ့နိုင်ပြီ

This article was published in The Voice Daily Newspaper, Vol. 4, No. 85, on 19 July 2016. 

ဗိမာန္နန္းျမင့္ ေပ်ာ္စံတင့္ လင့္ခါႏွစ္လည္ ေမ့နိုင္ၿပီ <Zawgyi Version>
ငွက္ခါး

အာဇာနည္ေန႔
၁၉၄၇ ခု ဇူလိုင္လ ၁၉ ရက္ေန႔သည္ ျမန္မာတစ္ျပည္လံုး ၀မ္းနည္းပူေဆြးေသာက ေရာက္ခဲ႔ၾကရေသာ ေန႔တစ္ေန႔ ျဖစ္ေပသည္။  ထိုေန႔ မနက္ ၁၀ နာရီ ၃၇ မိနစ္ခန္႔တြင္ ဗိုလ္ခ်ဳပ္ေအာင္ဆန္းႏွင့္ တကြ တိုင္းျပည္ေခါင္းေဆာင္ႀကီးမ်ားသည္ မသမာသူ လူတစ္စု၏ ရက္စက္စြာ သတ္ျဖတ္ျခင္းကို ခံခဲ႔ရေပသည္။  ထိုစဥ္က ဗိုလ္ခ်ဳပ္ေအာင္ဆန္းႏွင့္ အတူ သခင္ျမ၊ ဒီးဒုတ္ ဦးဘခ်ိဳ၊ မန္းဘခိုင္၊ ဦးဘ၀င္း၊ အဗၺဒူရာဇတ္ (ဦးရာဇတ္)၊ မိုင္းပြန္ေစာ္ဘြားႀကီး စ၀္စံထြန္း၊ ဦးအုန္းေမာင္ ႏွင့္ ဦးရာဇတ္၏ သက္ေတာ္ေစာင့္ ရဲေဘာ္ကိုေထြးတို႔ က်ဆံုးခဲ႔ၾကသည္။ လြတ္လပ္ေရး ႀကိဳးပမ္းေနစဥ္ကာလအတြင္း ယခုလိုအျဖစ္ဆိုးမ်ိဳးႏွင့္ ၾကံဳေတြ႔ျခင္းသည္ တိုင္းျပည္အတြက္ အလြန္ပင္နစ္နာလွသည္။ ထိုျဖစ္ရပ္ကို အစဥ္အမွတ္ရေနရန္ ဇူလိုင္ ၁၉ ရက္ေန႔ကို အာဇာနည္ေန႔အျဖစ္ သတ္မွတ္ခဲ႔ၾကသည္။

တံဆိပ္ေခါင္း ထုတ္ေ၀ျခင္း

ထို႔ေနာက္ တစ္ႏွစ္အၾကာ ၁၉၄၈ ခုႏွစ္ ဇူလိုင္ ၁၉ ရက္ေန႔တြင္ ျမန္မာ့စာတိုက္ႏွင့္ေၾကးနန္းဌာနမွ တံဆိပ္ေခါင္း တစ္ဆယ့္ ႏွစ္လံုးပါ တံဆိပ္ေခါင္းအစံုကို ထုတ္ေ၀ခဲ႔သည္။  အမ်ိဳးသားေခါင္းေဆာင္ႀကီး ဗိုလ္ခ်ဳပ္ေအာင္ဆန္း ႏွင့္တကြ အာဇာနည္ေခါင္းေဆာင္ႀကီးမ်ား က်ဆံုးခဲ႔ၾကေသာ ေန႔ကို ျပန္လည္သတိရၾကေစရန္ ရည္ရြယ္၍ ထုတ္ေ၀ခဲ႔ျခင္း ျဖစ္သည္။ တံဆိပ္ေခါင္းမ်ားအားလံုးကို ဒီဇိုင္းတစ္ခုထဲျဖင့္ ထုတ္ေ၀ၿပီး အေရာင္ႏွင့္ တန္ဖိုးမ်ားမတူညီၾကေပ။  ဒီဇိုင္းပံုမွာ ျပည္ေထာင္စု ပါလီမန္ အေဆာက္အဦးပံုကို အလယ္တြင္ ထား၍ ျမန္မာမႈ ဒီဇိုင္းပံုမ်ားျဖင့္ အလွဆင္ထားသည္။  အေဆာက္အဦးေရွ႕ အလံတိုင္တြင္လည္း ျမန္မာနိုင္ငံေတာ္ အလံကို တိုင္တစ္၀က္ လႊင့္ထူထားသည္။  အေဆာက္အဦး ေအာက္ေျခ၌ ေခါင္းေဆာင္ႀကီးမ်ား  က်ဆံုးခဲ႔သည့္ေန႔ရက္ကို ေရးသားထားသည္။ ၁၃၀၉ ခုႏွစ္ ၀ါေခါင္လဆန္း ၂ ရက္ 19th JULY 1947 ဟူ၍ျဖစ္သည္။  ထို႔ျပင္ “ဗိမာန္နန္းျမင့္ ေပ်ာ္စံတင့္ လင့္ခါႏွစ္လည္ ေမ႔နိုင္ျပီ” ဟူေသာ စာခ်ိဳး ပါရွိသည္။
ျမန္မာနိုင္ငံေတာ္ ေျမပံုကို အေပၚဘက္ အလည္တည့္တည့္တြင္ ဆြဲသားထား၍ ထိုင္လ်က္ရွိေသာ ျခေသၤ႔ ႏွစ္ေကာင္ပံုႏွင့္ ေအာက္ဘက္တြင္ အလွဆင္ထားသည္။  ဒီဇိုင္းပံုမွာ အဓိပၸာယ္ ျပည့္စံုမွ်တ၍ ရႈခ်င္စဖြယ္ျဖစ္သည္။  အေပၚဘက္ လက္ယာ၊ လက္၀ဲေထာင့္မ်ားတြင္ တံဆိပ္ေခါင္းတန္ဖိုးကို ျမန္မာ၊ အဂၤလိပ္ ႏွစ္ဘာသာျဖင့္ ေရးသားထားၿပီး ေအာက္ဘက္တြင္မူ ျပည္ေထာင္စု ျမန္မာနိုင္ငံေတာ္ UNION OF BURMA ဟူ၍ ေဖၚျပပါရွိသည္။
တံဆိပ္ေခါင္းမ်ား၏ အရြယ္အစားမွာ အနံ ၄၃ မီလီမီတာ အလ်ား ၂၀ မီလီမီတာ ျဖစ္သည္။ 14 x 13½ perforation (ေခြးသြားစိပ္မ်ား) ျဖစ္ၿပီး၊ တန္ဖိုးမ်ားမွာ ၃ပိုင္ (အျပာေဖ်ာ့)၊ ၆ ပိုင္ (အစိမ္း)၊ ၉ ပိုင္ (အနီေဖ်ာ့)၊ ၁ ပဲ (ခရမ္း)၊ ၂ ပဲ (အျပာ)၊ ၃ ပဲ ၆ ပိုင္ (အစိမ္း)၊ ၄ ပဲ (အညို)၊ ၈ ပဲ (အနီ)၊ ၁၂ ပဲ (ခရမ္း)၊ ၁ ရူပီး (ျပာ-စိမ္း)၊ ၂ ရူပီး (အျပာ) ႏွင့္ ၅ ရူပီး (ခရမ္းညို) တို႔ျဖစ္သည္။  တံဆိပ္ေခါင္း တစ္ခ်ပ္လွ်င္ ၁၂၈ လံုးပါသည္၊  ထိုတံဆိပ္ေခါင္းမ်ား ျဖန္႔ေ၀ေရာင္းခ်မႈႏွင့္ အသံုးျပဳမႈကို ၁၉၅၀ ဇြန္ ၁၀ တြင္ ရပ္ဆိုင္းခဲ႔သည္။

အမွားအယြင္းမ်ား
တံဆိပ္ေခါင္း ဒီဇိုင္းေပၚ၌ သိသာေသာ အမွားအယြင္းမ်ား ပါရွိသည္။  ထုိအမွားအယြင္းမ်ားကို ၁၉၈၆ ခုႏွစ္တြင္ ဦးသိန္းေအာင္မွ ေလ့လာမွတ္တမ္းတင္၍ ဗမာ့ဥေဒါင္း ျမန္မာတံဆိပ္ေခါင္း ေလ့လာမႉ ဂ်ာနယ္တြင္ တင္ျပခဲ႔သည္။   အထက္တြင္ ေဖၚျပခဲ႔ေသာ တံဆိပ္ေခါင္း ဒီဇိုင္းပါ စာသားမ်ား၌ စာလံုးေပါင္း အမွားအယြင္းမ်ား၊ ျမန္မာအကၡရာတြင္ မရွိေသာ စာလံုးမ်ား ပါ၀င္လာသည္။ အမွားအယြင္း ၇ မ်ိဳးေတြ႕ရသည္။ ဆရာ ဦးသိန္းေအာင္၏ အဆိုအရ တံဆိပ္ေခါင္း ဒီဇိုင္းေရးဆြဲသူမွာ ျမန္မာလူမ်ိဳးျဖစ္ရာ မူလဒီဇိုင္းတြင္ မမွားယြင္းနိုင္ဟု ဆိုသည္။  သို႔ရာတြင္ တံဆိပ္ေခါင္းပံုႏွိပ္ရန္ ပလိတ္ျပား၌ စာလံုးေဖၚသူသည္ ျမန္မာလူမ်ိဳး မျဖစ္တန္ရာ။  ဒီဇိုင္းပံု၌ စာလံုးမ်ား အလြန္ေသးငယ္ေသာေၾကာင့္ တစ္ေၾကာင္း၊ ျမန္မာလူမ်ိဳး မဟုတ္ျခင္းေၾကာင့္ တစ္ေၾကာင္း အဆိုပါအမွားမ်ား ပါခဲ႔သည္ဟု ယူဆရပါသည္။  ဤတံဆိပ္ေခါင္းမ်ားကို အဂၤလန္နိုင္ငံ Thomas De La Rue & Co., Ltd ၌ Recess နည္းျဖင့္ပံုႏွိပ္ခဲ႔သည္။

ပထမေန႔ထုတ္စာအိတ္
ျမန္မာတံဆိပ္ေခါင္းေလာကတြင္ ထင္ရွားသူ N.K.D. Naigamwalla ၏ ပထမေန႔ထုတ္စာအိတ္ (First Day Cover) မွာ အဓိပၸာယ္ျပည့္စံုၿပီး ထင္ရွားသည္။  Naigamwalla သည္ ျမန္မာ တံဆိပ္ေခါင္း ေလာကအတြက္ ပထမေန႔ထုတ္ စာအိတ္မ်ားစြာ ထားခဲ႔နိုင္သည္။  ၄င္း၏ စာအိတ္၌ အာဇာနည္ေန႔ကို သရုပ္ေဖၚရာတြင္ အာဇာနည္ ႀကီးမ်ား၏ ဓါတ္ပံုမ်ား၊ ျမန္မာမႈကနုတ္္ ပန္းခ်ီမ်ား၊ တိုင္တစ္၀က္ လႊင့္ထူထားေသာ ျမန္မာနိုင္ငံအလံမ်ား၊ လြမ္းသူ႔ ပန္းေခြမ်ား ပါရွိသည္။  သို႔ရာတြင္ ဦးအုန္းေမာင္ႏွင့္ ရဲေဘာ္ကိုေထြးတို႔၏ ဓါတ္ပံုမ်ား မပါ၀င္ေခ်။  ထို႔ျပင္ အဂၤလိပ္ဘာသာျဖင့္ “ခ်စ္ေသာဗိုလ္ခ်ဳပ္ႏွင့္တကြ က်ဆံုးခဲ႔သူမ်ားအားလံုးသည္ ဗမာျပည္ႀကီး၏ ႏွလံုးသားထဲတြင္ ထာ၀စဥ္ ရွင္သန္ေနမည္ျဖစ္သည္” ဟု ေရးသားထားသည္။

ထပ္မံထုတ္ေ၀သင့္
ထိုတံဆိပ္ေခါင္း ထုတ္ေ၀မႈမွာ အာဇာနည္ေန႔ႏွင့္ ပတ္သက္၍ ပထမဆံုးႏွင့္ ေနာက္ဆံုးအႀကိမ္ ျဖစ္ေလသည္။  ၁၉၄၈ ခုႏွစ္ေနာက္ပိုင္း အာဇာနည္ေန႔ အထိမ္းအမွတ္ တံဆိပ္ေခါင္းထုတ္ေ၀ျခင္း မရွိေတာ့ပါ။  လြတ္လပ္ေရးကို အသက္ေပးရယူေပးခဲ႔သည့္ အာဇာနည္ေခါင္းေဆာင္ႀကီးမ်ား၏ ေက်းဇူးတရားမ်ားကို ထာ၀စဥ္သတိရေနေစရန္၊ ထိုေက်းဇူးတရားမ်ားကို လူငယ္တို႔အမွတ္ရေနေစရန္ အာဇာနည္ေန႔ တံဆိပ္ေခါင္းမ်ား ျပန္လည္ထုတ္ေ၀သင့္ေပသည္။  ၂၀၁၇ ခုႏွစ္သည္ ႏွစ္ ၇၀ ျပည့္ အာဇာနည္ေန႔ျဖစ္ရာ တံဆိပ္ေခါင္းထုတ္ေ၀ရန္ အခ်ိန္ေကာင္းျဖစ္ေပသည္။   ျပန္လည္ ထုတ္ေ၀မည္ဆိုပါက အာဇာနည္ႀကီးမ်ား၏ ရုပ္ပံုလႊာမ်ား၊ ေရွးေဟာင္း သမိုင္း၀င္ လြတ္လပ္ေရးႀကိဳးပမ္းမႉ မွတ္တမ္း ဓါတ္ပံုမ်ား၊ အာဇာနည္ဗိမာန္ပံု၊ အတြင္း၀န္ရံုးပံုႏွင့္ ဗိုလ္ခ်ဳပ္ေအာင္ဆန္းေနအိမ္ျပတိုက္ စသည္ျဖင့္ အနွစ္သာရျပည့္၀ေသာ ပံုရိပ္မ်ားပါ၀င္သင့္ေပသည္။  ေက်ာင္းသားလူငယ္မ်ားအတြက္ အာဇာနည္ေန႔ အထိမ္းအမွတ္ ကေလးပန္းခ်ီၿပိဳင္ပြဲမ်ား က်င္းပၿပီး ဆုရပန္းခ်ီကားမ်ားကို တံဆိပ္ေခါင္းဒီဇိုင္းအျဖစ္ အသံုးျပဳလွ်င္လည္း သင့္တင့္ေလွ်ာက္ပတ္လွသည္။ ထိုသုိ႔ေသာ တံဆိပ္ေခါင္းမ်ား ျပန္လည္ထုတ္ေ၀နိုင္ပါက တံဆိပ္ေခါင္း ၀ါသနာရွင္မ်ားႏွင့္ ျပည္သူအမ်ား ေပ်ာ္မဆံုး ေမာ္မဆံုး ျဖစ္ၾကမည္မွာ ေသခ်ာလွေပသည္။

ရည္ညႊန္းကိုးကား
ေက်ာ္ျမင့္ေမာင္၊ ျမန္မာတံဆိပ္ေခါင္း ၀ါသနာရွင္လက္စြဲ၊ ၂၀၁၂ ခုႏွစ္။
Thein Aung, “Design error of the 1948 Martyr’s Memorial Issue”, The Burma Peacock, Vol 8, No 3, Fall 1986, p 48-50.

ဗိမာန်နန်းမြင့် ပျော်စံတင့် လင့်ခါနှစ်လည် မေ့နိုင်ပြီ <Unicode Version>

 ငှက်ခါး

အာဇာနည်နေ့
၁၉၄၇ ခု ဇူလိုင်လ ၁၉ ရက်နေ့သည် မြန်မာတစ်ပြည်လုံး ဝမ်းနည်းပူဆွေးသောက ရောက်ခဲ့ကြရသော နေ့တစ်နေ့ ဖြစ်ပေသည်။  ထိုနေ့ မနက် ၁၀ နာရီ ၃၇ မိနစ်ခန့်တွင် ဗိုလ်ချုပ်အောင်ဆန်းနှင့် တကွ တိုင်းပြည်ခေါင်းဆောင်ကြီးများသည် မသမာသူ လူတစ်စု၏ ရက်စက်စွာ သတ်ဖြတ်ခြင်းကို ခံခဲ့ရပေသည်။  ထိုစဉ်က ဗိုလ်ချုပ်အောင်ဆန်းနှင့် အတူ သခင်မြ၊ ဒီးဒုတ် ဦးဘချို၊ မန်းဘခိုင်၊ ဦးဘဝင်း၊ အဗ္ဗဒူရာဇတ် (ဦးရာဇတ်)၊ မိုင်းပွန်စော်ဘွားကြီး စဝ်စံထွန်း၊ ဦးအုန်းမောင် နှင့် ဦးရာဇတ်၏ သက်တော်စောင့် ရဲဘော်ကိုထွေးတို့ ကျဆုံးခဲ့ကြသည်။ လွတ်လပ်ရေး ကြိုးပမ်းနေစဉ်ကာလအတွင်း ယခုလိုအဖြစ်ဆိုးမျိုးနှင့် ကြုံတွေ့ခြင်းသည် တိုင်းပြည်အတွက် အလွန်ပင်နစ်နာလှသည်။ ထိုဖြစ်ရပ်ကို အစဉ်အမှတ်ရနေရန် ဇူလိုင် ၁၉ ရက်နေ့ကို အာဇာနည်နေ့အဖြစ် သတ်မှတ်ခဲ့ကြသည်။

တံဆိပ်ခေါင်း ထုတ်ဝေခြင်း
ထို့နောက် တစ်နှစ်အကြာ ၁၉၄၈ ခုနှစ် ဇူလိုင် ၁၉ ရက်နေ့တွင် မြန်မာ့စာတိုက်နှင့်ကြေးနန်းဌာနမှ

တံဆိပ်ခေါင်း တစ်ဆယ့် နှစ်လုံးပါ တံဆိပ်ခေါင်းအစုံကို ထုတ်ဝေခဲ့သည်။  အမျိုးသားခေါင်းဆောင်ကြီး ဗိုလ်ချုပ်အောင်ဆန်း နှင့်တကွ အာဇာနည်ခေါင်းဆောင်ကြီးများ ကျဆုံးခဲ့ကြသော နေ့ကို ပြန်လည်သတိရကြစေရန် ရည်ရွယ်၍ ထုတ်ဝေခဲ့ခြင်း ဖြစ်သည်။ တံဆိပ်ခေါင်းများအားလုံးကို ဒီဇိုင်းတစ်ခုထဲဖြင့် ထုတ်ဝေပြီး အရောင်နှင့် တန်ဖိုးများမတူညီကြပေ။  ဒီဇိုင်းပုံမှာ ပြည်ထောင်စု ပါလီမန် အဆောက်အဦးပုံကို အလယ်တွင် ထား၍ မြန်မာမှု ဒီဇိုင်းပုံများဖြင့် အလှဆင်ထားသည်။  အဆောက်အဦးရှေ့ အလံတိုင်တွင်လည်း မြန်မာနိုင်ငံတော် အလံကို တိုင်တစ်ဝက် လွှင့်ထူထားသည်။  အဆောက်အဦး အောက်ခြေ၌ ခေါင်းဆောင်ကြီးများ

 ကျဆုံးခဲ့သည့်နေ့ရက်ကို ရေးသားထားသည်။ ၁၃၀၉ ခုနှစ် ၀ါခေါင်လဆန်း ၂ ရက် 19th JULY 1947 ဟူ၍ဖြစ်သည်။  ထို့ပြင် “ဗိမာန်နန်းမြင့် ပျော်စံတင့် လင့်ခါနှစ်လည် မေ့နိုင်ပြီ” ဟူသော စာချိုး ပါရှိသည်။


မြန်မာနိုင်ငံတော် မြေပုံကို အပေါ်ဘက် အလည်တည့်တည့်တွင် ဆွဲသားထား၍ ထိုင်လျက်ရှိသော ခြင်္သေ့ နှစ်ကောင်ပုံနှင့် အောက်ဘက်တွင် အလှဆင်ထားသည်။  ဒီဇိုင်းပုံမှာ အဓိပ္ပာယ် ပြည့်စုံမျှတ၍ ရှုချင်စဖွယ်ဖြစ်သည်။  အပေါ်ဘက် လက်ယာ၊ လက်ဝဲထောင့်များတွင် တံဆိပ်ခေါင်းတန်ဖိုးကို မြန်မာ၊ အင်္ဂလိပ် နှစ်ဘာသာဖြင့် ရေးသားထားပြီး အောက်ဘက်တွင်မူ ပြည်ထောင်စု မြန်မာနိုင်ငံတော် UNION OF BURMA ဟူ၍ ဖေါ်ပြပါရှိသည်။
တံဆိပ်ခေါင်းများ၏ အရွယ်အစားမှာ အနံ ၄၃ မီလီမီတာ အလျား ၂၀ မီလီမီတာ ဖြစ်သည်။ 14 x 13½ perforation (ခွေးသွားစိပ်များ) ဖြစ်ပြီး၊ တန်ဖိုးများမှာ ၃ပိုင် (အပြာဖျော့)၊ ၆ ပိုင် (အစိမ်း)၊ ၉ ပိုင် (အနီဖျော့)၊ ၁ ပဲ (ခရမ်း)၊ ၂ ပဲ (အပြာ)၊ ၃ ပဲ ၆ ပိုင် (အစိမ်း)၊ ၄ ပဲ (အညို)၊ ၈ ပဲ (အနီ)၊ ၁၂ ပဲ (ခရမ်း)၊ ၁ ရူပီး (ပြာ-စိမ်း)၊ ၂ ရူပီး (အပြာ) နှင့် ၅ ရူပီး (ခရမ်းညို) တို့ဖြစ်သည်။  တံဆိပ်ခေါင်း တစ်ချပ်လျှင် ၁၂၈ လုံးပါသည်၊  ထိုတံဆိပ်ခေါင်းများ ဖြန့်ဝေရောင်းချမှုနှင့် အသုံးပြုမှုကို ၁၉၅၀ ဇွန် ၁၀ တွင် ရပ်ဆိုင်းခဲ့သည်။

အမှားအယွင်းများ
တံဆိပ်ခေါင်း ဒီဇိုင်းပေါ်၌ သိသာသော အမှားအယွင်းများ ပါရှိသည်။  ထိုအမှားအယွင်းများကို ၁၉၈၆ ခုနှစ်တွင် ဦးသိန်းအောင်မှ လေ့လာမှတ်တမ်းတင်၍ ဗမာ့ဥဒေါင်း မြန်မာတံဆိပ်ခေါင်း လေ့လာမှူ ဂျာနယ်တွင် တင်ပြခဲ့သည်။   အထက်တွင် ဖေါ်ပြခဲ့သော တံဆိပ်ခေါင်း ဒီဇိုင်းပါ စာသားများ၌ စာလုံးပေါင်း အမှားအယွင်းများ၊ မြန်မာအက္ခရာတွင် မရှိသော စာလုံးများ ပါဝင်လာသည်။ အမှားအယွင်း ၇ မျိုးတွေ့ရသည်။ ဆရာ ဦးသိန်းအောင်၏ အဆိုအရ တံဆိပ်ခေါင်း ဒီဇိုင်းရေးဆွဲသူမှာ မြန်မာလူမျိုးဖြစ်ရာ မူလဒီဇိုင်းတွင် မမှားယွင်းနိုင်ဟု ဆိုသည်။  သို့ရာတွင် တံဆိပ်ခေါင်းပုံနှိပ်ရန် ပလိတ်ပြား၌ စာလုံးဖေါ်သူသည် မြန်မာလူမျိုး မဖြစ်တန်ရာ။  ဒီဇိုင်းပုံ၌ စာလုံးများ အလွန်သေးငယ်သောကြောင့် တစ်ကြောင်း၊ မြန်မာလူမျိုး မဟုတ်ခြင်းကြောင့် တစ်ကြောင်း အဆိုပါအမှားများ ပါခဲ့သည်ဟု ယူဆရပါသည်။  ဤတံဆိပ်ခေါင်းများကို အင်္ဂလန်နိုင်ငံ Thomas De La Rue & Co., Ltd ၌ Recess နည်းဖြင့်ပုံနှိပ်ခဲ့သည်။

ပထမနေ့ထုတ်စာအိတ်
မြန်မာတံဆိပ်ခေါင်းလောကတွင် ထင်ရှားသူ N.K.D. Naigamwalla ၏ ပထမနေ့ထုတ်စာအိတ် (First Day Cover) မှာ အဓိပ္ပာယ်ပြည့်စုံပြီး ထင်ရှားသည်။  Naigamwalla သည် မြန်မာ တံဆိပ်ခေါင်း လောကအတွက် ပထမနေ့ထုတ် စာအိတ်များစွာ ထားခဲ့နိုင်သည်။  ၄င်း၏ စာအိတ်၌ အာဇာနည်နေ့ကို သရုပ်ဖေါ်ရာတွင် အာဇာနည် ကြီးများ၏ ဓါတ်ပုံများ၊ မြန်မာမှုကနုတ်် ပန်းချီများ၊ တိုင်တစ်ဝက် လွှင့်ထူထားသော မြန်မာနိုင်ငံအလံများ၊ လွမ်းသူ့ ပန်းခွေများ ပါရှိသည်။  သို့ရာတွင် ဦးအုန်းမောင်နှင့် ရဲဘော်ကိုထွေးတို့၏ ဓါတ်ပုံများ မပါဝင်ချေ။  ထို့ပြင် အင်္ဂလိပ်ဘာသာဖြင့် “ချစ်သောဗိုလ်ချုပ်နှင့်တကွ ကျဆုံးခဲ့သူများအားလုံးသည် ဗမာပြည်ကြီး၏ နှလုံးသားထဲတွင် ထာဝစဉ် ရှင်သန်နေမည်ဖြစ်သည်” ဟု ရေးသားထားသည်။

ထပ်မံထုတ်ဝေသင့်
ထိုတံဆိပ်ခေါင်း ထုတ်ဝေမှုမှာ အာဇာနည်နေ့နှင့် ပတ်သက်၍ ပထမဆုံးနှင့် နောက်ဆုံးအကြိမ် ဖြစ်လေသည်။  ၁၉၄၈ ခုနှစ်နောက်ပိုင်း အာဇာနည်နေ့ အထိမ်းအမှတ် တံဆိပ်ခေါင်းထုတ်ဝေခြင်း မရှိတော့ပါ။  လွတ်လပ်ရေးကို အသက်ပေးရယူပေးခဲ့သည့် အာဇာနည်ခေါင်းဆောင်ကြီးများ၏ ကျေးဇူးတရားများကို ထာဝစဉ်သတိရနေစေရန်၊ ထိုကျေးဇူးတရားများကို လူငယ်တို့အမှတ်ရနေစေရန် အာဇာနည်နေ့ တံဆိပ်ခေါင်းများ ပြန်လည်ထုတ်ဝေသင့်ပေသည်။  ၂၀၁၇ ခုနှစ်သည် နှစ် ၇၀ ပြည့် အာဇာနည်နေ့ဖြစ်ရာ တံဆိပ်ခေါင်းထုတ်ဝေရန် အချိန်ကောင်းဖြစ်ပေသည်။   ပြန်လည် ထုတ်ဝေမည်ဆိုပါက အာဇာနည်ကြီးများ၏ ရုပ်ပုံလွှာများ၊ ရှေးဟောင်း သမိုင်းဝင် လွတ်လပ်ရေးကြိုးပမ်းမှူ မှတ်တမ်း ဓါတ်ပုံများ၊ အာဇာနည်ဗိမာန်ပုံ၊ အတွင်းဝန်ရုံးပုံနှင့် ဗိုလ်ချုပ်အောင်ဆန်းနေအိမ်ပြတိုက် စသည်ဖြင့် အနှစ်သာရပြည့်ဝသော ပုံရိပ်များပါဝင်သင့်ပေသည်။  ကျောင်းသားလူငယ်များအတွက် အာဇာနည်နေ့ အထိမ်းအမှတ် ကလေးပန်းချီပြိုင်ပွဲများ ကျင်းပပြီး ဆုရပန်းချီကားများကို တံဆိပ်ခေါင်းဒီဇိုင်းအဖြစ် အသုံးပြုလျှင်လည်း သင့်တင့်လျှောက်ပတ်လှသည်။ ထိုသို့သော တံဆိပ်ခေါင်းများ ပြန်လည်ထုတ်ဝေနိုင်ပါက တံဆိပ်ခေါင်း ၀ါသနာရှင်များနှင့် ပြည်သူအများ ပျော်မဆုံး မော်မဆုံး ဖြစ်ကြမည်မှာ သေချာလှပေသည်။

ရည်ညွှန်းကိုးကား
ကျော်မြင့်မောင်၊ မြန်မာတံဆိပ်ခေါင်း ၀ါသနာရှင်လက်စွဲ၊ ၂၀၁၂ ခုနှစ်။
Thein Aung, “Design error of the 1948 Martyr’s Memorial Issue”, The Burma Peacock, Vol 8, No 3, Fall 1986, p 48-50.